Tatlong Iskolar ng FSP, Nagtapos sa Kolehiyo Bilang Mga Magna Cum Laude; Nakatanggap ng P30K Incentives



Hindi nasayang ang scholarship na ibinigay sa tatlong estudyante na ito dahil pinag-igihan nila ang pag-aral. Nagtapos sila sa kolehiyo na may achievement. Pare-pareho silang nagtapos bilang Magna Cum Laude. Ang tatlong scholars na ito ay kabilang sa 20 Fisheries Scholarship Program (FSP) ang pinarangalan ng Bureau of Fisheries and Aquatic Resources sa Caraga Region (BFAR-13).


Sila ay sina Edeth Novia G. Tubal, Necanor P. Bigasas at Sheen Chic Zenith T. Perral. Si Edeth ay nagtapos sa kursong Bachelor of Science in Fisheries sa Mindanao State University Naawan, Misamis Oriental. Tubong Lianga, Surigao del Sur si Edeth, na itinanghal ding class valedictorian.



Habang ang dalawa pang FSP scholar mula sa rehiyon na pinarangalan ng BFAR-13 ay sina Necanor at Sheen, na parehong nagtapos din ng Bachelor of Science in Fisheries sa Visayas State University-Tolosa Campus, Leyte. Class valedictorian si Necanor, at mula sa Bayabas, Surigao del Sur. Si Sheen ay class salutatorian, at tubong Malimono, Surigao del Norte.

No comments