Mag-Asawang Doktor, Proud sa Tatlong Anak na Topnotchers sa Board Exams



Proud parents ang mag-asawang doktor nang mag-topnotcher ang tatlong anak nila sa board exam. Labis na hinangaan ang pamilya na ito dahil sa kanilang determinasyon at pagsusumikap para maabot ang kanilang mga mithiin sa buhay. Viral ang kwento ng isang pamilyang mga doktor sa social media.

Ayon kay Dr. Eric Peralta, pareho umano silang doktor ng kanyang asawa. Ang kanilang tatlong anak ay nagtapos din ng doktor. Ang tatlong magkakapatid ay topnotchers din sa board exam.


"Sobrang happy. We're on cloud nine. Hindi ko madi-define yung feeling kasi yung isa nagkaroon, yung pangalawa ganun din. Pero ito yung ultimate, finale top 1 pa. Ang sarap ng feeling," sabi pa ni Ana, ina ng mga ito. "Yung magtaguyod ka lang isang doctor, ang laki na ng hirap na pinagdaanan namin. Pero sinulit nilang lahat yung pinaghirapan namin, ani ni Dr. Eric, padre de pamilya.

Si Ana Bianca Eloise Peralta, panganay na anak, ay nag-Top 6 noong Setyembre 2015. Si Ana Eryka Elaine Peralta, pangalawang anak, ay nag-Top 5 noong Setyembre 2017.



At ang bunso at kaisa-isang anak na lalaki na si Federico Adriano Peralta IV ay Top 1 noong Setyembre 2019.

Sa pagbabahagi ni Bianca, wala umanong pressure na ibinigay sa kanila ang kanilang mga magulang. Sa katunayan, ginawa nilang inspirasyon ang kanilang mga magulang para magsumikap.


Payo ni Ana sa mga magulang, "Give all the support that you can give to your children. No matter how busy you are, find time para talagang masuportahan."

No comments