Three Students, Top 1 in 2022 Civil Engineering Licensure Exam!



Ang tatlong tatlong graduates ay nagmula sa magkakaibang unibersidad at nag nag-top 1 sa Civil Engineering licensure examination nitong May 2022. Sila ay sina Arianne Joyce Dameg (University of the Philippines, Diliman), Archigine Labrador (University of Saint Louis Tuguegarao), at Jameson Lim (Xavier University Ateneo Cagayan de Oro) para sa top spot ng board exam.



Nakakuha ang tatlong estudyante ng 93.95 average rating at nanguna sa 5,836 board passers mula sa 13,781 na kumuha ng exam. Ang nag-iisang babae sa tatlo na si Arianne ay hindi raw inakalang magta-top one siya.

Sa mock exams daw habang nagre-review ay sakto lang ang kanyang nakukuhang average. Si Arianne ay nagtapos bilang magna cum laude sa UP Diliman. Siya ay tubong Alaminos, Pangasinan.

"Ang lagi ko lang pong pinagdadasal is makapasa. Sobra-sobra na yung blessings na binigay," ani ni Arianne.



"Sobrang gulat ako na nakita ko yung pangalan ko sa pinakaunahan ng listahan. Hindi po talaga pumapasok sa isip ko na may possibility na mag-top ako kasi sobrang nahirapan ako sa refresher course ng review program ko."

Unang beses pa lang na nag-take si Ariane sa licesure exam. Payo niya sa mga nahihirapan sa pagri-review, "Wag mawalan ng motivation at support system. Siguro yung aral laging samahan mo ng dasal."

Nagtapos naman bilang summa cum laude sa Xavier University Ateneo de Cagayan si Jameson Lim. Taong 2021 nang siya ay naging kinatawan ng Pilipinas at naging second place sa International Essay Competition sa International Conference on Disaster Resilient Infrastructure Annual Conference. Ang adbokasiya ni Jameson ay tumulong sa pagtatayo ng mga komunidad at mag-raise ng awareness sa mga kabataan tungkol sa mas magandang kinabukasan.



Habang si Archigine Labrador ay tubong Baggao, Cagayan.

"Feel ko tuloy ako yung pinapatamaan dun sa isang probab problem na ano raw chance niya makapasa kung puro hula. Hahaha," ani ni Archi sa ibinahagi niyang isang meme tungkol sa mahirap na problem solving, pero madali ang terminologies.



Pero sumunod dito ay ang pag-post niya ng results mula sa Professional Regulation Commission na nagpapakita na si Archi ay isa sa tatlong nag-top 1. "THANK YOU" simpleng caption ni Archi.

No comments