Isang Ina, Doble Ang Biyayang Natanggap!



Doble ang biyayang natanggap ni Melissa Marvic noong April 29, 2022. Isinilang kasi niya ang ikatlong anak nila ng kanyang mister na si Elmer at nakatanggap pa siya ng balita tungkol sa resulta ng kanyang Licensure Examination for Teachers. Top 6 umano siya sa LET at nakakuha ng rating na 91 percent. Ang kanyang kaibigan na si Archie ang nagbanggit ng magandang balita dahil sumailalim siya sa ceasarian 0peration nang manganak.



"'Ate, nakita mo na ba yung result? Hindi ka lang pumasa, Top 6 ka! Top 6!'"

"Tapos hindi pa ako umimik agad, pino-process ko pa kasi parang nagha-hallucinate pa ako dahil sa anesth√ęsia."

Produkto si Melissa ng Fullbright College sa Puerto Prinsesa, Palawan. Nang kumuha siya ng LET ay isa na siyang English subject teacher for STEM (Science, Technology, Engineering, and Mathematics) ng Grade 11 students sa Metro Manila College.





Pagbabahagi niya, "Yung mga panahon na iyon, wala akong kasambahay. Mano-mano akong nagre-review, nagtuturo sa school at nag-aalaga sa mga anak ko.

"Before the exams, nagtuturo pa ako niyan noong Biyernes. 'Tapos noong Sabado, nagdi-disseminate pa ako ng grading sheet."



Umiiyak na siya noon dahil sa str3ss, at gusto sana niyang magpaalam muna kahit tatlong araw lang na leave dahil araw ng Linggo ay exam na.

"Nahiya lang akong magpaalam sa coordinator kasi alam kong sa susunod na linggo manganganak na ako, tapos magli-leave na naman at maiiwan ko na naman ang trabaho ko."

No comments