Batang Taimtim na Nagdarasal Para Pasalamatan ang Pagkaing Nasa Harap Niya, Umantig sa mga Netizens!




Marahil ang karamihan sa atin ay nakakalimot ng tumawag sa Diyos, at maaalala na lamang sa panaho ng kagipitan. Ngunit nakakalimutan nating magpasalamat sa mga biyayang ibinibigay Niya sa atin at sa ating pamilya. Ang pagdarasal ay isang bagay na hindi mahirap gawin. Para lamang ito pakikipag-usap sa tao na pasasalamatan sa mga ibinigay sa atin, hihingian ng tawad sa mga nagawang kasalanan at maaari ring humiling na mula sa pusô.




Hinangaan ng marami at umantig sa pusô ng mga netizens ang isang batang lalaki na nakapikit at tila taimtim na nagdarasal para pasalamatan ang pagkaing nasa harap niya.

Kadalasan sa panahon ngayon, mauuna pang kuhanan ng litrato ang pagkain bago kainin imbis na magdasal at pasalamatan ang pagkaing pagsasaluhan ng pamilya. Kung minsan pa ay kaya ng iba sa atin na kumain sa mamahaling restaurant ngunit hindi kayang magdasal.




Ang larawan ng batang ito ay nagpamulat sa marami na mahalag pa rin ang pagdarasal. Mapalad ang ilan sa atin na nakakakain ng masasarap na pagkain dahil may mga kababayan tayong hiråp sa buhay kaya kadalasan ay hindi sila nakakakain, maswerte na sila kung makakain sila ng isang beses sa isang araw. Itong larawan ay nagpapaalala lamang sa atin na magpasalamat tayo sa Diyos sa mga biyayang ibinibigay niya sa atin.


No comments