Pulis Sinagip ang Dalawang Babaeng Nalulunod sa Gitna ng Malakas na Alon!

"Kung may isang Pulis na dumungis sa Hanay ng PNP at tumapos ng dalawang buhay, may Isa namang Pulis ang nagligtas ng dalawang buhay sa bingid ng kamåtayån," ayon sa facebook page ng HCAProduction.

Isa sa tungkulin ng mga pulis ay ang panatilihin ang kaligtasan ng mamamayan. Kung may ilang pulis man ang hindi nagagampanan ang kanilang tungkulin, marami pa din sa kanila ang ginagawa hindi lamang ang panitilihin ang kaligtasan ng iba kundi pati ang magsagip ng buhay.

Isang pulis ang nagligtas ng dalawang buhay. Siya si Patrolman Rey Manandeg ng Tourist Police sa Lingayen Baywalk sa Lingayen, Pangasinan.

Maituturin na isang kabayanihan ang ginawa niyang pagligtas sa dalawa babae na muntik ng malunod sa Lingayen Beachwalk.

Ayon kay Patrolman Manandeg, habang siya ay nagpapatrolya sa Lingayen Beachwalk kung saan siya nakadistino ng mga oras na 'yon ay may bigla siyang narinig na mga sigawan galing sa mga tao na humihingi ng tulong dahil sa dalawang nalulunod.

Hindi na nag dalawang isip si Patrolman Manandeg at agad na nilangoy ang malakas at malalaking alon ng dagat upang iligtas ang dalawang nalulunod. Sa kabutihang palad ay pareho niyang nasagip at nakasalba ang dalawa.