Pangulong Duterte, Bibigyan ng Bulletproof Vests at Body Cameras sa mga PNP-HPG Personnel

Bibigyan ni Pangulong Duterte ng bullet proof vests, body cameras at long firearms ang mga HPG matapos ang nangyaring enkwentro kotra sa mga carnapper.

Nangako si Pangulong Rodrigo Duterte na magbigay ng bullet proof vests at body cameras sa Philippine National Police Highway Patrol Group (PNP-HPG).

Ito ay matapos ang shootout insident na nangyari sa Cavite kung saan isa sa hanay ng pulisya ang nasawi na si Police Chief Master Sergeant Julius Arcalas.

Ayon kay PNP-HPG Director Police Brigadier General Alexander Tagum, nais ng Pangulo na palakasin ang kapabilidad ng HPG.

Maliban sa bulletproof vests at body cameras, nais din ni Pangulong Duterte na bigyan ang mga HPG personnel ng long firearms.

 

Ipinapaabot ng Pangulo ang pakikiramay sa pamilya ni Police Chief Master Sergeant Julius Arcalas. 

Tiniyak naman ni Pangulong Duterte na maibibgay ang karampatang tulong at hustisya para sa pamilyang naulila.