'Tuloy na tuloy talaga' - DepEd chief Briones sa Pagbubukas ng Klase sa August 24

Ayon kay Education Secretary Leonor Briones, tuloy ang pagbubukas ng klase sa August 24, sa mga mababalik sa modified enhanced community quarantine (MECQ).

"Tuloy pa rin. Tuloy na tuloy talaga on August 24 ang opening of classes,"- saad ni Briones

"Sa mga areas like NCR and Region 4A na under close monitoring pa, hindi sila masyadong apektado dahil lahat ng classes natin ay online walang face-to-face until next year and until the President so declares,"- dagdag pa nito.

Binigyang diin ni Briones na higit sa 23.2 milyong mga nag-aaral ang nakatala sa buong bansa, na lumampas sa target ng 80% ng headcount ng nakaraang taon.

"Sa pagre-recover ng economy, we look forward na lalong lalaki ang enrollment sa mga private schools as well,"- sabi ni Briones.

Noong miyerkules, iminumungkahi ng ilang senador na ipagpaliban ang pagbubukas ng mga klase sa mga lugar ng MECQ.

Ang Teachers' Dignity Coalition (TDC) ay nag-apela rin para sa pagpapaliban na binabanggit ang limitadong oras upang makabuo ng mga module ng pag-aaral.