Mahigit 100,000 SAP beneficiaries, ‘Di pa Nakatatanggap ng Ayuda sa Bulacan

Di pa nakakatanggap ng ayuda ang mahigit sa 100,000 SAP beneficiaries sa Bulacan.

Mayroon pa ring 180,393 na mga kwalipikadong Social Amelioration Program (SAP) beneficiaries ang hindi pa rin nakatanggap ng ayudang pinansyal sa lalawigan ng Bulacan.

Ito ang iniulat ng pamahalaang panlalawigan sa bumisitang miyembro ng National Task Force Against COVID-19.

Ang naturang bilang ay kabilang sa waitlisted sa first tranche ng Social Amelioration Fund.

Sa mahigit dalawang milyong pisong laan sa first tranche, nasa 400,000 ang nabigyan ng ayudang pinansyal sa may 569 na barangay.

Nagpapatuloy naman ang distribusyon ng ikalawang bugso ng SAP sa pamamagitan ng mga partner na paying centers.