70-Anyos na Ginang, Nakapagtapos ng Kolehiyo

Pinatunayan ng isang Ina na 70-anyos na hindi pa huli ang lahat para makamit ang kanyang inaasam na makatapos ng kolehiyo.

Natapos ni Rosa MacDonald-Burns, ina ng apat, ang kanyang bachelor’s degree in applied technology sa Brazosport College nitong Hunyo 13, ayon sa KPRC.

Dahil sa COVID-19 pandemic, online commencement muna ang idinaos ng kolehiyo para sa nanay at kanyang batchmates.

Naghanda naman ang mga kaanak at kaibigan ni MacDonald-Burns ng maikling video ng kanilang mensahe sa kanyang pagtatapos.

Nasa likod ng nasabing sorpresa ang isa niyang anak na si Herbert na ibinahagi rin ang video sa Vimeo.